ಸಿದ್ಧಿ ಜನಾಂಗ ಇದೀಗ ಮತ್ತೆ ಸುದ್ದಿಯಲ್ಲಿ

ಇನ್ನೂ ಭಾಷೆ ಇತ್ತೀಚೆಗಿನ ದಿನಗಳಲ್ಲಿ ಅಂದರೆ ಮುಖ್ಯವಾಹಿನಿಗೆ ಬಂದಾಗ ಕನ್ನಡ ಮಾತನಾಡುವದ ಕಲಿತರು. ಆಡು ಭಾಷೆಯಲ್ಲಿ ಕೊಂಕಣಿ , ಮರಾಠಿ ಇತ್ಯಾದಿ ಮಿಕ್ಸಿಂಗ್ ಅವರದ್ದೇ ಆದ ಪ್ರತ್ಯೇಕ ಭಾಷೆ .

ಆ ಭಾಷೆಯಲ್ಲಿಯೇ ಹಾಡು ಧಾರ್ಮಿಕ ವಿಧಿ ವಿಧಾನಗಳು ನಡೆಯುತ್ತದೆ. ಮನೆಯ ಹಿರಿಯ ಜೀವಗಳೇ ಇವರಿಗೆ ದೇವರ ಸಮಾನರು. ಅವರು ಸತ್ತ ನಂತರವೂ ತಮ್ಮ ಜೊತೆಗೆ ಇರುತ್ತಾರೆ ಎಂಬ ನಂಬಿಕೆ ಅವರದು . ಹೀಗಾಗಿ ವರ್ಷದ ಎರಡು ಸಂದರ್ಭದಲ್ಲಿ ಅವರ ಅದ್ಧೂರಿ ಪೂಜೋತ್ಸವ ನಡೆಯುತ್ತದೆ . ಸಾಮಾನ್ಯವಾಗಿ ದೀಪಾವಳಿ ಮತ್ತು ಹೋಲಿ ಹಬ್ಬದ ದಿನ. ಇನ್ನು ಈ ಜನಾಂಗದವರು ಆಯಾ ಪ್ರದೇಶದಲ್ಲಿ ಬೇರೆ ಬೇರೆ ಧರ್ಮ ಸ್ವೀಕರಿಸಿದವರು. ದೇಶದ ಅನೇಕ ರಾಜ್ಯಗಳಲ್ಲಿ ಇವರ ನೆಲೆ ಇದೆ . ಕರ್ನಾಟಕದ ಹಳಿಯಾಳ, ಮುಂಡಗೋಡ ನಲ್ಲಿ ಕ್ರಿಶ್ಚಿಯನ್, ಇಸ್ಲಾಂ ಧರ್ಮದವರಾದರೆ ಯಲ್ಲಾಪುರ, ದಾಂಡೇಲಿ ಇತ್ಯಾದಿ ಕಡೆಗಳಲ್ಲಿ ಹಿಂದು ಧರ್ಮಕ್ಕೆ ಸೇರಿದವರು . ಸಿದ್ಧಿ ಜನಾಂಗಕ್ಕೆ ‘ ಅಬ್ಷಿ’ ಎಂಬ ಇನ್ನೊಂದು ಪದ ಬಳಕೆ ಕೂಡಾ ಇದೆ . ಇವರಲ್ಲಿ ಸಮುದಾಯದಲ್ಲಿ ಮತ್ತೆ ಪಂಗಡಗಳಿಲ್ಲ. ಮದುವೆ ವಿಷಯದಲ್ಲಿ ಯಾರು ಯಾರನ್ನೇ ಆಯ್ಕೆ ಮಾಡಿಕೊಂಡು ದಂಪತಿಗಳಾಗಬಹುದು. ಧರ್ಮದ ಕಟ್ಟು ಪಾಡುಗಳೂ ಇಲ್ಲ. ಅರಣ್ಯ ಪ್ರದೇಶದಲ್ಲಿ ಅತ್ಯುತ್ತಮ ಬೇಸಾಯ ಮಾಡುವ ಇವರು ತುಂಬಾ ಶ್ರಮ ಜೀವಿಗಳು . ಆಯಾಸವನ್ನೇ ಅರಿಯದವರು. ಗಡ್ಡೆ ಗೆಣಸು , ಪ್ರಾಣಿಗಳ ಮಾಂಸವೇ ಇವರ ಆಹಾರ ಸೇವನೆ . ಸಾಂಸ್ಕೃತಿಕ ಉತ್ಸವ ಆಗಾಗ ಏರ್ಪಡಿಸಿ ಬೆಳಗಾಗುವ ತನಕ ನೃತ್ಯ ಮಾಡುವದೂ ಇದೆಯಂತೆ. ಆಫ್ರಿಕಾದ ‘ ಪುಗ್ಡಿ’ ವಾದ್ಯ ಪರಿಕರಗಳಿಂದ ಹಾಡಿನ ಲಯಕ್ಕೆ ಹಾಕುವ ಅವರ ಹೆಜ್ಜೆ ಮನಮೋಹಕವಾಗಿದೆ. ಇತ್ತೀಚೆಗೆ ಹಲವಾರು ಸಂಘ ಸಂಸ್ಥೆಗಳು ಆ ಜನಾಂಗದ ಕುರಿತು ಅಧ್ಯಯನ ನಡೆಸಿದ್ದೂ ಅಲ್ಲದೇ ಅವರನ್ನು ಸಮಾಜದ ಮುಖ್ಯ ವಾಹಿನಿಗೆ ತಂದಿರುವದರಿಂದ ಇಂದು ಆಧುನಿಕ ಸಮಾಜದಲ್ಲಿ ಬೆರೆತು ನಿಟ್ಟುಸಿರು ಬಿಡುವಂತಾಗಿದೆ. ( ಸಶೇಷ )