ಹೆಬ್ರಿ : ರೌಡಿ ಹಿನ್ನಲೆಯಿರುವ ವ್ಯಕ್ತಿಯೋರ್ವ ರಸ್ತೆಯಲ್ಲಿ ನಡೆದುಕೊಂಡು ಹೋಗುತ್ತಿದ್ದ ವ್ಯಕ್ತಿಯೊಬ್ಬರಿಗೆ ಸ್ಕೂಟರಿನಲ್ಲಿ ಬಂದು ಅಡ್ಡಗಟ್ಟಿ ಜೀವಬೆದರಿಕೆಯೊಡ್ಡಿರುವ ಘಟನೆ ನಡೆದಿದೆ.
ಸಂತೋಷ್ ಯಾನೆ ತಲವಾರು ಸಂತು ಎಂಬಾತ ಹೆಬ್ರಿ ತಾಲೂಕಿನ ಮುದ್ರಾಡಿ ಗ್ರಾಮದ ಉಜೂರು ಕೆಳಮನೆ ನಿವಾಸಿ ಸತೀಶ್ಚಂದ್ರ ಹೆಗ್ಡೆ(46) ಎಂಬವರಿಗೆ ಕೊಲೆ ಬೆದರಿಕೆಯೊಡ್ಡಿದ್ದಾನೆ. ಮಂಗಳವಾರ ಬೆಳಗ್ಗೆ 11 ಗಂಟಗೆ ಸತೀಶ್ಚಂದ್ರ ಮುದ್ರಾಡಿ ಉಪ್ಪಳ ಸೇತುವೆಯ ಬಳಿ ಹೋಗುತ್ತಿದ್ದಾಗ ಸಂತೋಷ್ ಸ್ಕೂಟರಿನಲ್ಲಿ ಬಂದು ಅಡ್ಡಗಟ್ಟಿ ಅವಾಚ್ಯಪದಗಳಿಂದ ನಿಂದಿಸಿ ನಿನ್ನನ್ನು ಒಂದು ತಿಂಗಳೊಳಗೆ ಕೊಲೆ ಮಾಡಿ ಮುಗಿಸುತ್ತೇನೆ, ಇವತ್ತು ಗಾಡಿಯಿಂದ ಆಯುಧ ತೆಗೆಯುವುದಿಲ್ಲ ಹಾಗಾಗಿ ನಿನಗೆ ಜೀವದಾನ ಮಾಡಿದ್ದೇನೆ ಎಂದು ಬೆದರಿಕೆ ಹಾಕಿದ್ದಾನೆ ಎಂದು ಹೆಬ್ರಿ ಪೊಲೀಸ್ ಠಾಣೆಗೆ ಸತೀಶ್ಚಂದ್ರ ಹೆಗ್ಡೆ ದೂರು ನೀಡಿದ್ದಾರೆ.ಈ ಕುರಿತು ಹೆಬ್ರಿ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.
