ಗುಂಡು ಹಾರಿಸಿ ಖ್ಯಾತ ರ‌್ಯಾಪರ್ ಯಂಗ್ ಡಾಲ್ಫ್ ಹತ್ಯೆ

ವಾಷಿಂಗ್ಟನ್: ಅಮೆರಿಕದಲ್ಲಿ ದುಷ್ಕರ್ಮಿಗಳ ಗುಂಡಿನ ದಾಳಿ ಮುಂದುವರಿದಿದೆ. ಇದೀಗ ಗುಂಡಿನ ದಾಳಿಗೆ ಖ್ಯಾತ ರ‌್ಯಾಪರ್ ಯಂಗ್ ಡಾಲ್ಫ್ (36)ಸಾವನ್ನಪ್ಪಿದ್ದಾರೆ.

ಅಮೆರಿಕದ ಟೆನ್ನೆಸ್ಸಿಯಾ ಮೆಂಫಿಸ್ ವಿಮಾನ ನಿಲ್ದಾಣದ ಬಳಿ ಈ ಘಟನೆ ನಡೆದಿದೆ. ದುಷ್ಕರ್ಮಿಯೊಬ್ಬ ಹಾರಿಸಿದ ಗುಂಡಿನಿಂದ ಯಂಗ್ ಡಾಲ್ಫ್ ಮೃತಪಟ್ಟಿದ್ದಾರೆ.

ಯಂಗ್ ಡಾಲ್ಫ್ ವಿಶ್ವದಾದ್ಯಂತ ಅಭಿಮಾನಿಗಳನ್ನು ಹೊಂದಿದ್ದಾರೆ. ಡಾಲ್ಫ್ ಅವರ ಪೇಪರ್ ರೂಟ್ ಕ್ಯಾಂಪೇನ್, ರಿಚ್ ಸ್ಲೇವ್ ಆಲ್ಬಂ ಜನಪ್ರಿಯತೆ ಪಡೆದುಕೊಂಡಿತ್ತು.

ಈ ಹಿಂದೆ ಎರಡು ಬಾರಿ ಗುಂಡು ಹಾರಿಸಿ ಯಂಗ್ ಡಾಲ್ಫ್ ಹತ್ಯೆಗೆ ವಿಫಲ ಯತ್ನ ನಡೆಸಲಾಗಿತ್ತು.